Aħbar falza u tixwix biex joħolqu konfront

Permezz tal-Facebook qed tixxerred aħbar falza biex nhar it-Tnejn tinġabar folla quddiem il-Parlament biex jingħata appoġġ lid-Deputati Laburisti. DIN HIJA GIDBA.

Is-site li qed ixxerred dawn il-qlajjiet, bestoflabour.com hija website anonima ta’ nies qrib il-PN intiża biex ixxerred qlajjiet u aħbarijiet foloz.

Il-Partit Laburista fi stqarrija iddikjara li qed jappella lin-nies li m’għandhomx għalfejn jitilgħu il-Belt nhar it-Tnejn.

L-appoġġ ma jingħatax bit-tixjir tal-bnadar.

Tattiċi moqżieża ta’ partit li tilef kull sens ta’ raġuni għaliex qiegħed fl-Oppożizzjoni u bl-antikalji li reġa’ ddawwar bihom Simon Busuttil ma neħduhix bi kbira li dan b’dan it-tip ta’ tixwix.

Ma saru jinqalgħu għal xejn iktar milli biex ixewxu u jippruvaw jaqilgħu l-inkwiet. Jekk il-PN irid itella’ lin-nies tiegħu quddiem il-Parlament, dak affarihom u nħalluhom jiħħamallaw bejniethom bħalma għamlu quddiem il-Qorti nhar it-Tnejn.