Albert Fenech jirreżenja, jagħżel investiment favur il-poplu fuq in-negattività ta’ Simon Busuttil

Il-Professur Albert Fenech għażel li ma jibqax Membru Parlamentari tal-Oppożizzjoni biex ikun jista’ jaħdem fi proġett li se jkun favur il-poplu Malti u Għawdxi kollu, dak tal-investiment privat ta’ €200 miljun fil-qasam tas-Saħħa, liema proġett Simon Busuttil u l-Oppożizzjoni tiegħu huma kontrih kif qal l-istess Fenech fl-ittra li bagħat.

Bil-kontra tal-Oppożizzjoni li ma tridx li investiment bħal dan iseħħ, investiment li se jfisser sptar ġdid f’Għawdex fl-istess livell tal-Mater Dei u żvilupp tal-Isptar San Luqa u l-isptar Karin Grech.

Il-Professur Fenech għażel li ma jimxix mal-politika li adotta l-Partit Nazzjonalista, dik ta’ negattività u li jopponi kull investiment favur il-poplu.

Albert Fenech għażel investiment favur il-poplu fuq in-negattività ta’ Beppe Fenech Adami u Simon Busuttil.