Bdiet tintrebaħ il-ġlieda kontra l-faqar, tnaqqis fir-rata ta’ persuni f’faqar assolut

Fl-2015 pajjiżna ra tnaqqis qawwi fir-rata ta’ persuni f’faqar assolut. Statistika tal-Eurostat turi li, filwaqt li fl-2014 ir-rata ta’ persuni f’faqar assolut kienet 10.2% u ogħla mill-medja Ewropea, fl-2015 ir-rata naqset għal 8.1%.

B’hekk, ir-rata ta’ persuni f’faqar assolut f’Malta issa naqset taħt il-medja Ewropea. Matul l-amministrazzjoni preċedenti, ir-rata ta’ nies f’faqar assolut kienet irdoppjat minn 4.3% għal 9.2%. Bil-miżuri li se jieħu l-Gvern din is-sena, fosthom l-ewwel żieda reali fil-pensjonijiet f’ħamsa u għoxrin sena, il-ġlieda kontra l-faqar se tieħu spinta ġdida u aktar persuni se jingħataw id-dinjità li tixraqilhom.