Bħal dejjem, il-UĦM ipparteċipat mal-PN

Il-Union Ħaddiema Magħqudin attendiet għall-protesta tal-PN. L-aħbar ingħatat f’dikjarazzjoni li saret iffirmata minn Josef Vella Segretarju Ġenerali tal-UĦM li fiha qal li “Il-Union se tattendi bħal dejjem”. Bħal dejjem jiġifieri għall-attivitajiet tal-PN għaliex f’kemm saru protesti u jew dimostrazzjonijiet kontra l-għoli tal-ħajja, kontra ż-żieda fil-kontijiet tad-dawl u ilma, il-UĦM ma kienetx tkun preżenti.

Mela “bħal dejjem” hija riservata għall-attivitajiet partiġġjani tal-PN għax fejn jidħol il-Labour dejjem isibu xi skuża biex jaħarbu avolja Josef u sħabu jippretendu li l-Labour jistmagħom ta’ ġewwa u jagħlifhom.