Cheerleader ta’ udjenza vulgari

Norman Vella, ħaddiem tal-gvern li għandu blog u programm fuq Net TV kien iċ-cheerleader tan-Nazzjonalisti waqt il-programm Xarabank li ddiskuta l-ewwel tliet snin ta’ dan il-gvern. Vella kien mal-Viċi Kap Mario de Marco billi ma kienx hemm ħadd mill-uffiċċju informazzjoni tal-PN jakkumpanja lil Viċi Kap. Is-soltu jkun hemm Matthew Bonett il-Kap tal-Uffiċċju Informazzjoni jew xi uffiċjali oħra.

Minkejja l-folla li ġab miegħu il-Viċi Kap u kif kienu mqassmin il-mistiedna tal-programm, Mario de Marco, għalkemm ipprova jilgħab il-karta tas-simpatija xorta ma impressjonax.

Ix-xogħol ta’ Norman Vella waqt il-programm kien li jieħu ħsieb il-folla tal-PN u jidher fir-ritratti ikellem lin-Nazzjonalisti waqt li l-programm ikun wieqaf għar-reklami.

F’ħin minnhom waqt id-diskussjoni, il-preżentatur Joe Azzopardi kellu jwiddeb lil PN li jekk ma kienux se jġibu ruħhom ta’ nies kien se jkeċċihom ‘il barra.

#Vulgari