Dik solidarjeta’! SĦPN jitkellmu fejn u kif jaqblilhom

Meta l-PN kien fil-gvern pajjiżna kellu governanza mill-iktar eżemplari u kollox kien isir skont il-meritokrazija. Is-Solidarjeta Ħaddiema PN ma kelliex għalfejn tiftaħ ħalqha fuq xejn. La fuq tal-Kalaxlokk, tat-Tarzna jew Maltacon u l-anqas fuq kif kienu jingħataw ċerti karigi u appointments li kienu jsiru b’meritokrazija stil PN

Per eżempju l-ex Deputat tal-PN Louis Cuschieri jaf x’inhi l-meritokrazija stil PN. Cuschieri kien kandidat mal-PN f’ħames elezzjonijiet ġenerali u kien anki elett fil-Parlament fl-1992.

Iżda fl-1998 ma kienx tela’ iżda l-PN ma ħalliħx b’xejn lit-tifel ta’ Gejtu.

F’eżempju kbir ta’ kif tkun governenza tajba bbażata fuq il-meritokrazija, bejn l-2004 u l-2012 Louis Cuschieri tpoġġa fuq xejn anqas minn 7 bordijiet differenti. Matul dan il-perjodu inħatar fuq diversi bordijiet tal-ETC, fuq bord tal-AirMalta u fuq bordijiet differenti li kienu jaqgħu taħt id-Dipartiment tal-Gvern Lokali.

Fl-ETC l-eks deputat Nazzjonalista kien fil-

Board Fees

, fil-

Board Members Extra Duties

, membru ukoll fir-

Re-Imbursement of Expenses Board

u fl-

Apprenticeship Committee Fees

. B’kollox mill-ETC Cuchieri daħħal €89,000 u tul is-snin il-ħlasijiet li rċieva raw żidiet sostanzjali minn sena għal oħra. Fl-istess ħin minn fost il-membri tal-bord, il-ħlas tiegħu kien dejjem l-ogħla.

Bejn l-2004 u l-2012 Cuschieri nħatar ukoll fuq il-bord tal-kumpanija

Selmun Palace Hotel Company Limited

sussidjarja tal-

Air Malta p.l.c.,

minn fejn daħħal €19,000 oħra. Fl-2006 kompla jinħatar f’aktar bordijiet.

Fil-fatt għal sitt snin sħaħ, Louis Cuschieri serva fuq żewġ bordijiet li jaqgħu taħt id-Dipartiment tal-Gvern Lokali. Tpoġġa Chairman tal-

Local Enforcement System Committee

u nħatar ukoll membru fil-

Local Wardens Disciplinary Board

. Minn dawn iż-żewġ bordijiet Cuschieri tħallas aktar minn €20,000 oħra.

Biex b’kollox l-ex Deputat Nazzjonalista tħallas €130,000 minn gvernijiet differenti mmexxija minn Lawrence Gonzi. Louis Cuschieri għadu sal-lum attiv fil-Kumitat tal-PN tal-Ħamrun waqt li ibnu huwa Kunsllier tal-PN fil-Ħamrun ukoll.

Għal Simon Busuttil dan kollu qiesu ma ġara qatt u jrid li n-nies ma jiftakrux il-ħniżrijiet li ġraw meta huwa kien diħa fil-qalba tal-PN bħala Delegat Speċjali tal-Gonzi u Viċi Kap.

Illum tisma lil Simon Busuttil jippriedka dwar il-meritokrazija, l-onesta, it-trasparenza u l-accountability, iqabbiżlek demgħa.