Dittatur kien xortih tajba biżżejjed li jingħata l-ogħla onorefiċenza

Kemm tkaża bid-dittaturi Beppe Fenech Adami din il-ġiimgħa fil-Parlament. Hawn mexejja li jmisshom ix-xorti ħażina li jkunu qed jiggvernaw meta f’Malta jkun hawn gvern Laburista. Dawk li jkollhom xortihom tajba biżżejjed li jkunu qed imexxu meta Malta jkun hawn gvern Nazzjonalista.

Ben Ali huwa każ minnhom. Din il-ġimgħa tkażaw bih fil-Parlament imma f’Ġunju 2005 waqt li kien qiegħed fuq żjara statali f’Malta kienu tawh l-ogħla onorefiċenza li jista’ jagħti l-istat Malti, membru tal-Ordni Nazzjonali tal-Mertu.

Dan sar fi żmien li Eddie Fenech Adami, dak iż-żmien magħruf bħala Edward kien President ta’ Malta. Wara Marzu 2013 Ben Ali ma baqax raġel sew.