Il-magna tal-PN taħdem bil-Heavy Fuel Oil

Simon Busuttil qalilna li startjaw il-magna elettorali. Imma dan ma kienx qal li startjawha fl-Indipendenza? Sinjal li kienet intfietlu.

Il-magna taħdem bil-Heavy Fuel Oil għax huwa s-sors ta’ enerġija favorit mill-PN u għax il-magna li għandhom hija waħda antika li ppruvaw jimmodernizzawha iżda mhux qed jirnexxilhom.

Huwa fatt li il-magna li għandhom tħammeg ħafna. Din il-magna ilha mixgħulha għax ilhom iħammġu. Issa għandha bżonn tindifa waħda sew imma ma hemmx ħeġġa li titnaddaf.

Inutli Simon Busuttil jgħidilna li startja l-magna politika ta’ tmexxija onesta, għax sakemm jibqa’ mdawwar bl-istess nies li ilhom jikkontrollaw il-partit mis-snin sebgħin, il-magna se tibqa’ maħmuġa u se tibqa’ tniġġeż kullimkien.