Kull tant jitfaċċa ċittadin privat

Kull meta nara lil Austin Gatt niftakar fl-iskandlu taż-żejt, niftakar fil-ħdura tal-PN u fl-organiżazzjoni tajba li darba kellhom fid-Dar Ċentrali. Meta niftakar f’Austin Gatt nħoss ħafna kesħa, nħoss l-arja tinġazza.

Imma bla dubju li fid-Dar Ċentrali jimmisjawh liċ-ċittadin privat kull meta jgħaddu minn quddiem l-uffiċċju tas-segretarja ġenerali jew jisimugħa titkellem.

Il-veterani jiftakru fid-differenza bejn l-organiżazzjoni tal-lum u l-organiżazzjoni li kellhom qabel. U jirrabjaw, għaliex illum għandhom l-aktar segretarja ġenerali mħallsa fl-istorja tal-partit u l-anqas li qed jagħmlu suċċess.

Dan kien wieħed mill-aħħar ritratti pubbliċi ta’ Austin Gatt fil-counting hall tal-elezzjoni ġenerali. Wara dan ir-ritratt sar ċittadin privat u kull tant jitfaċċa fit-toroq tal-Belt.