Montebello jergghu ma jidhrux il-Qorti

L-ahwa Jeffrey u Peter Montebello regghu ma dehrux quddiem il-Qorti biex jixhdu f’kawza ta’ libell li l-Ex Ministru Tonio Fenech fetah kontra tieghi. Din m’hijiex l-ewwel darba li l-ahwa Montebello ma dehrux tant li l-Magistrat Francesco Depasquale ordna li jekk darb’ohra meta jergghux jissejhu biex jghatu x-xhieda taghhom se jkollu johrog mandat ta’ arrest.

Il-kaz imur lura ghal Novembru tal-2009 meta l-Malta Today kienet gabet l-istorja dwar kif l-ahwa Montebello kienu ghamlu xoghol fid-dar ta’ Tonio Fenech bi pjacir talli kien qieghed jghinhom ibieghu il-Jerma Palace.

One News kien irrapporta l-istorja tal-Malta Today izda Tonio Fenech ghazel li jaghmel libell lil One News flok lil Malta Today jew lil Charles Magro li ghamel l-allegazzjonijiet.

Charles Magro sfida lil Tonio Fenech jiftah proceduri legali kontra tieghu kemm-il darba izda qatt ma laqa’ l-isfida tieghu.