Simon Busuttil: Il-vjolenza domestika għandna nindirizzawha fil-miftuħ

Oħtu Diana ħatfitu fil-kelma. Fl-istess ġimgħa li għamlet xenata sħiħa u skont l-ex żewġha, flimkien ma’ missiera aggrediet tliet persuni, Simon Busuttil kien qed jitkellem fuq il-vjolenza domestika u qal li każi bħal dawn ma għandnix nitfawhom taħt it-tapit.

“The issue must be tackled out in the open” it-Times irrappurtat lil Busuttil jindirizza laqgħa tal-PN li fiha tkellem dwar i-vjolenza domestika.

Oħtu obdietu mill-ewwel għaliex wara li daħlet fid-dar tal-ex żewġha u aggrediet lil min sabet quddiema, inkluż mara ta’ 60 sena, ħarġet barra”in the open” u vvandalizzat il-karozza tiegħu.

Biex ma tħallix dan il-każ taħt it-tapit marret ukoll fuq Facebook u ġabet ir-ritratti tal-karozza li kienet għadha kif ivvandalizzat u b’hekk kulħadd sar jaf.

Pero ħalliet dettall barra. Ix-xenata li għamlet lil Pulizija li ġew fuq il-post u kemm għamlet arja b’ħuha waqt li twerzaq f’wiċċhom.