Simon Busuttil irid jgħid x’ser jagħmel fuq il-Viċi Kap tiegħu

Mill-mezzi tal-komunikazzjoni sirna nafu li l-Viċi Kap tal-PN Mario de Marco sarlu xogħol li għalih ma ħallasx u meta beda jberraq talab għall-

invoice

u beda jħallas issa għax-xogħol li sar snin ilu meta kien għadu Ministru bi ksur tal-kodiċi ta’ etika. Simon Busuttil irid jgħid x’ser jagħmel fuq il-Viċi Kap tiegħu li kiser il-kodiċi tal-etika għal Ministri u Segretarji Parlamentari.

Dwar dan il-Prim Ministru Joseph Muscat fl-Imġarr qal “F’każijiet bħal tal-llum fejn Simon Busuttil għandu l-ballun fuq in-naħa tiegħu. Irid jgħidlna x’ser jagħmel bil-Viċi Kap tiegħu li sarlu xogħol b’xejn fil-propjetà tiegħu waqt li kien Ministru bi ksur tal-kodiċi tal-etika”.

Il-kliem kollu u l-protesti kollha li għamel Simon Busuttil issa huwa l-mument li jgħid x’se jagħmel. Irid jgħid jekk issa huwiex se jieħu mill-ewwel, illum stess, il-mizuri li jipprietka hu fuq ħaddieħor.