Ta’ Said għandhom erba’ trakkijiet b’number plate wieħed

Il-familja tal-Ganga f’Għawdex magħrufin għal kemm jagħmlu li jridu. Qegħdin 13-il aħwa u meta wieħed minnhom kien Ministru, Chris Said, komplew rabbew iktar arja u sens ta’ superjorita fuq ħuthom l-Għawdxin liema arja għadhom biha sal-lum.

Wieħed mill-aħwa jmexxi Said Construcion, jismu Peter Paul. Din il-kumpanija li ingħatat mal-139 biċċa xogħol minn għand wieħed mill-aħwa li hu Sindku għandha erba’ trakkijiet bl-istess number plate. Impossibbli imma vera.

Abbuż sfaċċat.

Kumbinazzjoni wieħed mill-ogħla uffiċjali tat-Trasport Malta f’Għawdex huwa wkoll wieħed mill-aħwa ta’ Said. Għal żmien twil Reuben Said kien hu l-ogħla uffiċjal tat-TM f’Għawdex.