The Garden ta’ Jerome Caruana Cilia

Wieħed mill-istillel il-ġodda tal-PN Jerome Caruana Cilia, tifel gustuż u jinstema simpatiku qalb in-negattivita kollha tal-programm tiegħu fuq Radio 101. Qalb dak id-dwejjaq kollu ġieli jirnexxilu jdaħħak ukoll.

Din il-ġimgħa għamel programm sħiħ fuq artiklu li kitbu The Garden. U trid tisimgħu jistgħaġeb, The Garden tiela u The Garden nieżla.

Mbagħad xi ħadd min fost is-semmiegħa tiegħu ma felaħx iktar u lejn l-aħħar tal-programm ġibidlu l-attenzjoni li l-gazzetta Ingliża li għamel programm sħiġ jikkwotaha jisimha The Guardian.

Jerome Caruana Cilia huwa preżentatur, ġurnalista u kunsillier Ħal Qormi. Aktarx ukoll kandidat. Jekk jibqa’ sejjer b’din ir-rata se jkun qed jikkompeti ma’ Claudette Buttigieg. Imma baqalu x’jaqdef biex jilħaq lix-shadow minister tas-saħħa, dik fi klassi għaliha.