Trasparenza, Ann Fenech tiċċerja meeting Triq ir-Repubblika

Biex twieġeb għal kritika li qalgħet għall-iskema ta’ donazzjonijiet sigrieti tal-PN, Ann Fenech li hija responsabbli mill-iskema iċċerjat meeting fi Triq ir-Repubblika. Qed juruna li m’għandhom xejn x’jaħbu.

Mifqugħin bit-trasparenza. Sakemm mhux meeting biex tbiegħ is-servizzi tal-kumpanija Fenlex, sussidjarja ta’ Fenech & Fenech li tinvesti fil-Panama?

Issa li neħħiet ir-reklam tal-Panama minn fuq il-website tagħha trid issib mezz ieħor kif tirreklama u tispjega s-servizzi li toffri l-kumpanija Fenlex lil klijenti tagħha li jkunu jridu jiftħu trust jew jinvestu barra minn Malta.