Ann Fenech tgħid li l-PN ħaqqu jkun fil-gvern

Tliet snin wara li tilfu l-elezzjoni diġa’ qed jimmisjawh il-poter. Dażgur li ħaqqu jkun fil-gvern għal Ann Fenech ħalli terġa’ tibda tieħu l-konsulenzi w il-kuntratti.

Ħaqqu jkun fil-gvern biex jerġa’ jgħolli l-kontijiet tad-dawl u ilma?

Biex jerġa’ jibda juża il-heavy fuel oil wara li nkunu qlibna għal gass?

Biex ma jżidx il-pensjonijiet?

Biex jerġa’ jieħu lura fl-flus li ngħataw lil dawk li ħallsu taxxa doppja fuq il-karozzi ?

Biex iwaqqaf l-għoti tal-ipads lit-tfal tal-iskola?

Biex jerġa’ jibda jinxtara ż-żejt bħalma kienu jagħmlu fi żmienhom?

Jew biex ikun hemm xi ħadd li jerġa’ jibda jordna x-xogħol għan-nies li jħallas il-gvern?

Ħaqqu biex RCC jerġa’ jieħu kollox taħt idejh?

Jew biex Louis Galea jilħaq il-mira tiegħu li jilħaq President tar-Repubblika?

Ħaqqu jkun fil-gvern biex Daphne Caruana Galizia tkun kuntenta għal ġurnata?

Jew biex il-Boċċa jerġa’ jibda jieħu kuntratti u konsulenzi bl-addoċċ?

Jew inkella biex Beppe Fenech Adami jibqa’ jkabbar il-palazz?

Naħseb li dawn huma ftit mir-raġunijiet il-għala Ann Fenech tgħid li l-PN ħaqqu jkun fil-gvern. Il-poplu jaħsibha mod ieħor għax tliet snin ilu kaxkarhom ‘il barra mill-poter u qalilhom biex joqgħodu fl-Oppożizzjoni għall-anqas għal ħames snin.