Bi ħbieb bħalma għandha m’għandix bżonn għedewwa

Biżżejjed hawn ħafna li jħobbha, il-ħbieb li għandha Daphne Caruana Galizia qed iġellduha man-nies. Il-bieraħ waqt li kienet lunch mal-ex mara ta’ Michael Bianchi, Petra Caruana Dingli, rat żewġt irġiel u sħabha li kienu fuq mejda oħra bgħatulha messaġġ minn mejda għall-oħra li bdew jiffilmjawha, kitbet illum.

Sħabha stess stħaw ikellmuha fil-pubbliku u bgħatulha messaġġ minn ħames metri ‘l bogħod.

U qalet li bgħatthom jien!! Għadaqstant għajrithom ukoll. Lanqas nafhom minn Adam, u weħlet fihom li ħadulha ritratt u bgħatuh lili. Ħadet ritratt ta’ żewġ ċittadini privati u xandrithom għax hekk qalulha sħabha.

Bi ħbieb bħalma għandha, iġellduha man-nies, m’għandix bżonn għedewwa.