Flimkien kollox possibbli

It-trio tar-rebħa. Il-kampanja ta’ Beppe Fenech Adami għaddejja ġmielha u qed jaħdem id f’id ma’ Richard Cachia Caruana u Daphne Caruana Galizia fuq l-istorja li beda dwar ir-reġistru elettorali.

L-informazzjoni li għandu, beda jgħaddiha lil Daphne biex toħroġ l-ismijiet ta’ investituri barranin li qed jieħdu sehem fil-programm ta’ ċittadinanza b’investiment u b’hekk ġaladarba huma ċittadini Maltin, ikollhom id-dritt tal-vot.

Beppe qed jgħid li d-dritt tal-vot inkiseb bi prattiċi korrotti. B’hekk ikkritika lil kompetituri tiegħu fil-PN stess, li huma aġenti tal-IIP.

Interessanti ferm li dwar dan qed jitkellem biss Beppe Fenech Adami. Simon Busuttil qed jibqa’ ħalqu magħluq. Qisu m’għandux x’jaqsam malli qed jgħid Fenech Adami.

Sa ftit tax-xhur ilu, il-Kap tal-PN kien qed jgħid li l-lista ta’ dawk li jinvestu f’Malta permezz tal-IIP hija sigrieta.

Illum Beppe waqqalu kliemu u beda kampanja biex jekk il-Labour jirbaħ l-elezzjoni li ġejja, ikun jista;’ jgħid li rebaħ bil-korruzzjoni u jibda kampanja qalila bħalma kien għamel missieru fis-snin tmenin.

Beppe Fenech Adami qed jolqot ħafna għasafar b’ġebla waħda.